رہے جو شب کو ہم اس گل کے سات کوٹھے پر

رہے جو شب کو ہم اس گل کے سات کوٹھے پر

تو کیا بہار سے گزری ہے رات کوٹھے پر

یہ دھوم دھام رہی صبح تک اہا ہا ہا

کسی کی اتری ہے جیسے برات کوٹھے پر

مکاں جو عیش کا ہاتھ آیا غیر سے خالی

پٹے کے چلنے لگے پھر تو ہات کوٹھے پر

گرایا شور کیا گالیاں دیں دھوم مچی

عجب طرح کی ہوئی واردات کوٹھے پر

لکھیں ہم عیش کی تختی کو کس طرح اے جاں

قلم زمین کے اوپر دوات کوٹھے پر

کمند زلف کی لٹکا کے دل کو لے لیجے

یہ جنس یوں نہیں آنے کی ہات کوٹھے پر

خدا کے واسطے زینے کی راہ بتلاؤ

ہمیں بھی کہنی ہے کچھ تم سے بات کوٹھے پر

لپٹ کے سوئے جو اس گل بدن کے ساتھ نظیرؔ

تمام ہو گئیں حل مشکلات کوٹھے پر

rahe jo shab ko ham us gul ke sat kothe par

to kya bahar se guzri hai rat kothe par

ye dhum dham rahi subh tak ahha ha ha

kisi ki utri hai jaise barat kothe par

makan jo aish ka hath aya ghair se khali

pite ke chalne lage phir to hat kothe par

giraya shor kiya galiyan den dhum machi

ajab tarah ki hui wardat kothe par

likhen ham aish ki takhti ko kis tarah ai jan

qalam zamin ke upar dawat kothe par

kamand-e-zulf ki latka ke dil ko le lije

ye jins yun nahin ane ki hat kothe par

khuda ke waste zine ki rah batlao

hamen bhi kahni hai kuchh tum se bat kothe par

lipat ke soe jo us gul badan ke sath nazir

tamam ho gain hal mushkilat kothe par