رونقیں آبادیاں کیا کیا چمن کی یاد ہیں

رونقیں آبادیاں کیا کیا چمن کی یاد ہیں

بوئے گل کی طرح ہم گلشن کے خانہ زاد ہیں

جلوہ فرمائی کا مژدہ کس نے بھیجا ہے کہ آج

دیدہ و دل ہم دگر صرف مبارک باد ہیں

کس کی مژگاں نے ہمارے ساتھ کاوش کی شروع

خون کے قطرہ رگوں میں نشتر فصاد ہیں

یاں رضا محبوب کی منظور خاطر ہے فقط

وصل ہو یا ہجر ہو ہر امر میں ہم شاد ہیں

کر چکا عیشیؔ طواف خانۂ کعبہ کا قصد

جب تلک ہندوستاں کا مے کدہ آباد ہے

raunaqen abadiyan kya kya chaman ki yad hain

bu-e-gul ki tarah ham gulshan ke khana zad hain

jalwa farmai ka muzhda kis ne bheja hai ke aj

dida-o-dil ham digar sirf-e-mubarak bad hain

kis ki mizhgan ne hamare sath kawish ki shuru

khun ke qatra ragon mein nashtar-e-fassad hain

yan raza mahbub ki manzur-e-khatir hai faqat

wasl ho ya hijr ho har amar mein ham shad hain

kar chuka aishi tawaf-e-khana-e-kaaba ka qasd

jab talak hindostan ka mai kada abad hai