رہ گیا پر وہ ترے چاک گریبانوں کا

رہ گیا پر وہ ترے چاک گریبانوں کا

حشر میں کوئی بھی پرساں نہیں دیوانوں کا

راہ چلتے ہوئی ہے دولت دیدار نصیب

اس میں احسان نہیں آپ کے دربانوں کا

یاد آتی ہیں جنوں خیز ہوائیں ان کی

اب نہ وہ ہم ہیں نہ عالم وہ بیابانوں کا

ارے دیوانے ذرا چل کے انہیں دیکھ تو لے

مے کدوں میں ہے مزا شیخ پری خانوں کا

بت خدا ہوں کہ نہ ہوں ہے مگر اتنی توقیر

بت کدہ آج بھی کعبہ ہے مسلمانوں کا

چشم ساقی کی طرح ہے اثر انداز اے شیخ

بعد توبہ کے چھلکنا بھرے پیمانوں کا

چٹکیاں آپ نہ لیں مہندی لگے ہاتھوں سے

کام دیں گے نہ یہ ناخن کبھی پیکانوں کا

قحط جائے بھی مگر یہ نہیں جانے کے ریاضؔ

کہ مرے گھر ہے اجارہ مرے مہمانوں کا

rah gaya par wo tire chak garebanon ka

hashr mein koi bhi pursan nahin diwanon ka

rah chalte hui hai daulat-e-didar nasib

is mein ehsan nahin ap ke darbanon ka

yad ati hain junun khez hawaen un ki

ab na wo ham hain na alam wo bayabanon ka

are diwane zara chal ke unhen dekh to le

mai kadon mein hai maza shaikh pari khanon ka

but khuda hun ke na hun hai magar itni tauqir

but kada aj bhi kaaba hai musalmanon ka

chashm-e-saqi ki tarah hai asar andaz ai shaikh

baad tauba ke chhalakna bhare paimanon ka

chutkiyan ap na len mehndi lage hathon se

kam denge na ye nakhun kabhi paikanon ka

qaht jae bhi magar ye nahin jane ke riyaz

ke mire ghar hai ijara mire mehmanon ka