برسات کا مزا ترے گیسو دکھا گئے

برسات کا مزا ترے گیسو دکھا گئے

عکس آسمان پر جو پڑا ابر چھا گئے

آئے کبھی تو سیکڑوں باتیں سنا گئے

قربان ایسے آنے کے کیا آئے کیا گئے

سن پائی میری آبلہ پائی کی جب خبر

چاروں طرف وہ راہ میں کانٹے بچھا گئے

ہم وہ نہیں سنیں جو برائی حضور کی

یہ آپ تھے جو غیر کی باتوں میں آ گئے

میں نے جو تخلیہ میں کہا حال دل کبھی

منہ سے نہ کچھ جواب دیا مسکرا گئے

barsat ka maza tire gesu dikha gae

aks asman par jo para abr chha gae

ae kabhi to saikron baten suna gae

qurban aise ane ke kya ae kya gae

sun pai meri abla pai ki jab khabar

charon taraf wo rah mein kante bichha gae

ham wo nahin sunen jo burai huzur ki

ye ap the jo ghair ki baton mein a gae

main ne jo takhliya mein kaha hal-e-dil kabhi

munh se na kuchh jawab diya muskura gae