رکھتا ہے گو قدیم سے بنیاد آگرہ

رکھتا ہے گو قدیم سے بنیاد آگرہ

اکبر کے نام سے ہوا آباد آگرہ

یاں کے کھنڈر نہ اور جگہ کی عمارتیں

یارو عجب مقام ہے دل شاد آگرہ

شداد زر لگا نہ بناتا بہشت کو

گر جانتا کہ ہووے گا آباد آگرہ

توڑے کوئی قلعے کو کوئی لوٹے شہر کو

اب کس سے اپنی مانگے بھلا داد آگرہ

اب تو ذرا سا گاؤں ہے بیٹی نہ دے اسے

لگتا تھا ورنہ چین کا داماد آگرہ

یک بارگی تو اب مجھے یارب تو پھر بسا

کرتا ہے اب خدا سے یہ فریاد آگرہ

اک خوبرو نہیں ہے یہاں ورنہ ایک دن

تھا رشک حسن بلخ و نوشاد آگرہ

ہرگز وطن کی یاد نہ آوے اسے کبھی

جو کر کے اپنی جاں کو کرے شاد آگرہ

اس میں سدا خوشی سے رہا ہے ترا نظیرؔ

یارب ہمیشہ رکھیو تو آباد آگرہ

rakhta hai go qadim se buniyad agra

akbar ke nam se hua abad agra

yan ke khandar na aur jagah ki imaraten

yaro ajab maqam hai dil shad agra

shaddad zar laga na banata bahisht ko

gar janta ke howe ga abad agra

tore koi qile ko koi laute shahr ko

ab kis se apni mange bhala dad agra

ab to zara sa gaon hai beti na de use

lagta tha warna chain ka damad agra

yak bargi to ab mujhe yarab to phir basa

karta hai ab khuda se ye fariyad agra

ik khubru nahin hai yahan warna ek din

tha rashk-e-husn balakh-o-naushad agra

hargiz watan ki yad na awe use kabhi

jo kar ke apni jan ko kare shad agra

is mein sada khushi se raha hai tira nazir

yarab hamesha rakhiyo to abad agra