رکھتا ہوں میں حق پر نظر کوئی کچھ کہو کوئی کچھ کہو

رکھتا ہوں میں حق پر نظر کوئی کچھ کہو کوئی کچھ کہو

ہشیار ہوں یا بے خبر کوئی کچھ کہو کوئی کچھ کہو

قسمت مقدر بوجھ کر غفلت میں آ کر حرص سے

پھر کیا ہے پھرنا در بدر کوئی کچھ کہو کوئی کچھ کہو

جز معصیت کے کچھ نہیں ہے کام مجھ عاصی کے تئیں

ہر روز و ہر شام و سحر کوئی کچھ کہو کوئی کچھ کہو

کچھ نیک و بد کہنے کا اب خطرہ نہیں ہے خلق کا

یکساں کیا نفع و ضرر کوئی کچھ کہو کوئی کچھ کہو

ہے چار دن کی زندگی خوش رہ کے آخر کے تئیں

دنیا سے جانا ہے گزر کوئی کچھ کہو کوئی کچھ کہو

حاتمؔ توقع چھوڑ کر عالم میں تا شاہ و گدا

آ کر لگا حیدر کے در کوئی کچھ کہو کوئی کچھ کہو

rakhta hun main haq par nazar koi kuchh kaho koi kuchh kaho

hushyar hun ya be khabar koi kuchh kaho koi kuchh kaho

qismat muqaddar bojh kar ghaflat mein a kar hirs se

phir kya hai phirna dar badar koi kuchh kaho koi kuchh kaho

juz maasiyat ke kuchh nahin hai kam mujh asi ke tain

har roz-o-har sham-o-sahar koi kuchh kaho koi kuchh kaho

kuchh nek-o-bad kahne ka ab khatra nahin hai khalq ka

yaksan kya nafa-o-zarar koi kuchh kaho koi kuchh kaho

hai char din ki zindagi khush rah ke akhir ke tain

duniya se jana hai guzar koi kuchh kaho koi kuchh kaho

hatim tawaqqo chhor kar alam mein ta shah-o-gada

a kar laga haidar ke dar koi kuchh kaho koi kuchh kaho