ابنِ مریم ہوا کرے کوئی

ابنِ مریم ہوا کرے کوئی

میرے دکھ کی دوا کرے کوئی

شرع و آئین پر مدار سہی

ایسے قاتل کا کیا کرے کوئی

چال جیسے کڑی کمان کا تیر

دل میں ایسے کے جا کرے کوئی

بات پر واں زبان کٹتی ہے

وہ کہیں اور سنا کرے کوئی

بک رہا ہوں جنوں میں کیا کیا کچھ

کچھ نہ سمجھے خدا کرے کوئی

نہ سنو اگر برا کہے کوئی

نہ کہو گر برا کرے کوئی

روک لو گر غلط چلے کوئی

بخش دو گر خطا کرے کوئی

کون ہے جو نہیں ہے حاجت مند

کس کی حاجت روا کرے کوئی

کیا کیا خضر نے سکندر سے

اب کسے رہنما کرے کوئی

جب توقع ہی اٹھ گئی غالبٓ

کیوں کسی کا گلہ کرے کوئی

ibn-e-maryam hua kare koi

mere dukh ki dawa kare koi

shara-o-ain par madar sahi

aise qatil ka kya kare koi

chal jaise kari kaman ka tir

dil mein aise ke ja kare koi

bat par wan zaban katti hai

wo kahin aur suna kare koi

bik raha hun junun mein kya kiya kuchh

kuchh na samjhe khuda kare koi

na suno agar bura kahe koi

na kaho gar bura kare koi

rok lo gar ghalat chale koi

bakhsh do gar khata kare koi

kaun hai jo nahin hai hajat mand

kis ki hajat rawa kare koi

kya kiya khizr ne sikandar se

ab kise rahnuma kare koi

jab tawaqqo hi uth gai ghalib

kyun kisi ka gila kare koi