ہم رشک کو اپنے بھی گوارا نہیں کرتے

ہم رشک کو اپنے بھی گوارا نہیں کرتے

مرتے ہیں ، ولے ، اُن کی تمنا نہیں کرتے

در پردہ اُنھیں غیر سے ہے ربطِ نہانی

ظاہر کا یہ پردہ ہے کہ پردہ نہیں کرتے

یہ باعثِ نومیدیِ اربابِ ہوس ہے

غالب کو بُرا کہتے ہو ، اچھا نہیں کرتے

ham rashk ko apne bhi gawara nahin karte

marte hain, wale, un ki tamanna nahin karte

dar parda unhen ghair se hai rabt-e-nihani

zahir ka ye parda hai ke parda nahin karte

ye bais-e-naumidi-e-arbab-e-hawas hai

ghalib ko bura kahte ho, achchha nahin karte