بار تجھ ہجر کا بھاری ہے خدا خیر کرے

بار تجھ ہجر کا بھاری ہے خدا خیر کرے

رات دن نالہ و زاری ہے خدا خیر کرے

سختیٔ غم سیں مرے دل کا لہو پانی ہو

چشم گریاں ستی جاری ہے خدا خیر کرے

کب مرے چاند کے آنے سیں اجالا ہوگا

ہجر کی رات اندھاری ہے خدا خیر کرے

چشم خونریز تری کی ہے عجب تند نگاہ

ہو بہ ہو عین کٹاری ہے خدا خیر کرے

دل پر آہ سیں میرے وہ صنم ڈرتا نہیں

کالے ناگوں کی پٹاری ہے خدا خیر کرے

بسمل عشق کوں ہرگز نہیں امید حیات

زخم اس تیغ کا کاری ہے خدا خیر کرے

آشنا شعلۂ دوری سیں ہوا جان سراجؔ

کاہ کوں آگ سیں یاری ہے خدا خیر کرے

bar tujh hijr ka bhari hai khuda khair kare

rat din nala-o-zari hai khuda khair kare

sakhti-e-gham sin mire dil ka lahu pani ho

chashm-e-giryan sati jari hai khuda khair kare

kab mire chand ke ane sin ujala hoga

hijr ki rat andhari hai khuda khair kare

chashm-e-khunrez tiri ki hai ajab tund nigah

hu ba hu ain katari hai khuda khair kare

dil par ah sin mere wo sanam darta nahin

kale nagon ki pitari hai khuda khair kare

bismil ishq kun hargiz nahin ummid-e-hayat

zakhm is tegh ka kari hai khuda khair kare

ashna shola-e-duri sin hua jan siraj

kah kun ag sin yari hai khuda khair kare