یہ ہم جو ہجر میں دیوار و در کو دیکھتے ہیں

یہ ہم جو ہجر میں دیوار و در کو دیکھتے ہیں

کبھی صبا کو کبھی نامہ بر کو دیکھتے ہیں

وہ آئیں گھر میں ہمارے خدا کی قدرت ہے

کبھی ہم ان کو کبھی اپنے گھر کو دیکھتے ہیں

نظر لگے نہ کہیں اُس کے دست و بازو کو

یہ لوگ کیوں مرے زخمِ جگر کو دیکھتے ہیں

ترے جواہرِ طرفِ کُلہ کو کیا دیکھیں

ہم اوجِ طالعِ لعل و گہر کو دیکھتے ہیں

ye ham jo hijr mein diwar-o-dar ko dekhte hain

kabhi saba ko kabhi nama bar ko dekhte hain

wo aen ghar mein hamare khuda ki qudrat hai

kabhi ham un ko kabhi apne ghar ko dekhte hain

nazar lage na kahin us ke dast-o-bazu ko

ye log kyun mire zakhm-e-jigar ko dekhte hain

tire jawahir-e-taraf-e-kulah ko kya dekhen

ham auj-e-tale-e-laal-o-guhar ko dekhte hain