بارہ مہینے ہجر کے گزرے ملال میں

بارہ مہینے ہجر کے گزرے ملال میں

لاکھوں ہی رنج ہم نے سہے ایک سال میں

لاتے نہیں فقیر کسی کو خیال میں

اللہ والے مست ہیں اپنے ہی حال میں

تکلیف قید زلف مرے دل سے پوچھیے

خالق کہیں پھنسائے نہ مچھلی کو جال میں

سن کر سوال وصل وہ جوہرؔ سے کہتے ہیں

کچھ بات ہو تو آئے ہمارے خیال میں

bara mahine hijr ke guzre malal mein

lakhon hi ranj ham ne sahe ek sal mein

late nahin faqir kisi ko khayal mein

allah wale mast hain apne hi hal mein

taklif qaid zulf mire dil se puchhiye

khaliq kahin phansae na machhli ko jal mein

sun kar sawal-e-wasl wo jauhar se kahte hain

kuchh bat ho to ae hamare khayal mein