باغ میں پھول کھلے موسم سودا آیا

باغ میں پھول کھلے موسم سودا آیا

گرم بازار ہوا وقت تماشہ آیا

سارباں ناقۂ لیلیٰ کو نہ دوڑا اتنا

پاؤں مجنوں کے تھکے ہاتھ ترے کیا آیا

ایک نالہ نے مرے کام کئے باغ میں وہ

گل کو تپ آئی تو شبنم کو پسینہ آیا

رو کے میں نے جو کہا آپ کی ہے چاہ مجھے

ہنس کے بولے کہ بڑا چاہنے والا آیا

جھاڑ دی گرد جو دامن کی کبھی ہم نے اسیرؔ

ہنس کے فرمایا کہ تم کو بھی سلیقہ آیا

bagh mein phul khule mausam-e-sauda aya

garm-e-bazar hua waqt tamasha aya

sarban naqa-e-laila ko na daura itna

paon majnun ke thake hath tire kya aya

ek nala ne mire kam kiye bagh mein wo

gul ko tap ai to shabnam ko pasina aya

ro ke main ne jo kaha ap ki hai chah mujhe

hans ke bole ke bara chahne wala aya

jhar di gard jo daman ki kabhi ham ne asir

hans ke farmaya ke tum ko bhi saliqa aya