لازم تھا کہ دیکھو مرا رستہ کوئی دِن اور

لازم تھا کہ دیکھو مرا رستہ کوئی دِن اور

تنہا گئے کیوں؟ اب رہو تنہا کوئی دن اور

مٹ جائےگا سَر ،گر، ترا پتھر نہ گھِسے گا

ہوں در پہ ترے ناصیہ فرسا کوئی دن اور

آئے ہو کل اور آج ہی کہتے ہو کہ ’جاؤں؟‘

مانا کہ ھمیشہ نہیں اچھا کوئی دن اور

جاتے ہوئے کہتے ہو ’قیامت کو ملیں گے‘

کیا خوب! قیامت کا ہے گویا کوئی دن اور

ہاں اے فلکِ پیر! جواں تھا ابھی عارف

کیا تیرا بگڑ تا جو نہ مرتا کوئی دن اور

تم ماہِ شبِ چار دہم تھے مرے گھر کے

پھر کیوں نہ رہا گھر کا وہ نقشا کوئی دن اور

تم کون سے ایسے تھے کھرے داد و ستد کے

کرتا ملکُ الموت تقاضا کوئی دن اور

مجھ سے تمہیں نفرت سہی، نیر سے لڑائی

بچوں کا بھی دیکھا نہ تماشا کوئی دن اور

گزری نہ بہرحال یہ مدت خوش و ناخوش

کرنا تھا جواں مرگ گزارا کوئی دن اور

ناداں ہو جو کہتے ہو کہ ’کیوں جیتے ہیں غالب‘

قسمت میں ہے مرنے کی تمنا کوئی دن اور

lazim tha ke dekho mira rasta koi din aur

tanha gae kyun? ab raho tanha koi din aur

mit jaega sar,gar, tira patthar na ghisega

hun dar pe tire nasiya farsa koi din aur

ae ho kal aur aj hi kahte ho ke 'jaun?'

mana ke hamesha nahin achchha koi din aur

jate hue kahte ho 'qayamat ko milenge'

kya khub! qayamat ka hai goya koi din aur

han ai falak-e-pir! jawan tha abhi arif

kya tera bigar ta jo na marta koi din aur

tum mah-e-shab-e-char dahum the mire ghar ke

phir kyun na raha ghar ka wo naqsha koi din aur

tum kaun se aise the khare dad-o-satad ke

karta mulk almut taqaza koi din aur

mujh se tumhen nafrat sahi, nayyar se larai

bachchon ka bhi dekha na tamasha koi din aur

guzri na bahrhal ye muddat khush-o-nakhush

karna tha jawan marg guzara koi din aur

nadan ho jo kahte ho ke 'kyun jite hain ghalib'

qismat mein hai marne ki tamanna koi din aur