بس کہ فعّالِ ما یرید ہے آج

بس کہ فعّالِ ما یرید ہے آج

ہر سلحشور انگلستاں کا

گھر سے بازار میں نکلتے ہوۓ

زہرہ ہوتا ہے آب انساں کا

چوک جس کو کہیں وہ مقتل ہے

گھر بنا ہے نمونہ زنداں کا

شہرِ دہلی کا ذرّہ ذرّہ خاک

تشنۂ خوں ہے ہر مسلماں کا

کوئی واں سے نہ آ سکے یاں تک

آدمی واں نہ جا سکے یاں کا

میں نے مانا کہ مل گۓ پھر کیا

وہی رونا تن و دل و جاں کا

گاہ جل کر کیا کیۓ شکوہ

سوزشِ داغ ہاۓ پنہاں کا

گاہ رو کر کہا کیۓ باہم

ماجرا دیدہ ہاۓ گریاں کا

اس طرح کے وصال سے یا رب

کیا مٹے داغ دل سے ہجراں کا

bas ke faal-e-ma yared hai aj

har silahshor ungalsitan ka

ghar se bazar mein nikalte hue

zohra hota hai ab insan ka

chok jis ko kahin wo maqtal hai

ghar bana hai namuna zindan ka

shahr-e-dehli ka zarra zarra-e-khak

tishna-e-khun hai har musalman ka

koi wan se na a sake yan tak

admi wan na ja sake yan ka

main ne mana ke mil-e-gae phir kya

wahi rona tan-o-dil-o-jan ka

gah jal kar kya kie shikwa

sozish-e-dagh ha-e-pinhan ka

gah ro kar kaha kie baham

majra dida ha-e-giryan ka

is tarah ke wisal se ya rab

kya mite dagh-e-dil se hijran ka