ذکر اس پری وش کا، اور پھر بیاں اپنا

ذکر اس پری وش کا، اور پھر بیاں اپنا

بن گیا رقیب آخر۔ تھا جو رازداں اپنا

مے وہ کیوں بہت پیتے بز مِ غیر میں یا رب

آج ہی ہوا منظور اُن کو امتحاں اپنا

منظر اک بلندی پر اور ہم بنا سکتے

عرش سے اُدھر ہوتا، کاشکے مکاں اپنا

دے وہ جس قد ر ذلت ہم ہنسی میں ٹالیں گے

بارے آشنا نکلا، ان کا پاسباں، اپنا

در دِ دل لکھوں کب تک، جاؤں ان کو دکھلادوں

انگلیاں فگار اپنی، خامہ خونچکاں اپنا

گھستے گھستے مٹ جاتا، آپ نے عبث بدلا

ننگِ سجدہ سے میرے، سنگِ آستاں اپنا

تا کرے نہ غمازی، کرلیا ہے دشمن کو

دوست کی شکایت میں ہم نے ہمزباں اپنا

ہم کہاں کے دانا تھے، کس ہنر میں یکتا تھے

بے سبب ہوا غالب دشمن آسماں اپنا

zikr us pari wash ka, aur phir bayan apna

ban gaya raqib akhir. tha jo razdan apna

mai wo kyun bahut pite buz mi ghair mein ya rab

aj hi hua manzur un ko imtihan apna

manzar ik bulandi par aur ham bana sakte

arsh se idhar hota, kashke makan apna

de wo jis qad r zillat ham hansi mein talenge

bare ashna nikla, un ka pasban, apna

dar di dil likhun kab tak, jaun un ko dukhladun

ungliyan figar apni, khama khunchakan apna

ghiste ghiste mit jata, ap ne abas badla

nang-e-sajda se mere, sang-e-astan apna

ta kare na ghammazi, karliya hai dushman ko

dost ki shikayat mein ham ne hamzaban apna

ham kahan ke dana the, kis hunar mein yakta the

be sabab hua ghalib dushman asman apna