بازی پہ دل لگا ہے کوئی دل لگی نہیں

بازی پہ دل لگا ہے کوئی دل لگی نہیں

یہ بھی ہے کوئی بات کبھی ہاں کبھی نہیں

جس نے کچھ احتیاط جوانی میں کی نہیں

عقل سلیم کہتی ہے وہ آدمی نہیں

دل مانگو تو جواب ہے ان کا ابھی نہیں

گویا ابھی نہیں کا ہے مطلب کبھی نہیں

واعظ کو لعن طعن کی فرصت ہے کس طرح

پوری ابھی خدا کی طرف لو لگی نہیں

عاشق پر ان کا ایک ذرا سا ہے التفات

اور وہ بھی اس طرح کہ کبھی ہے کبھی نہیں

جیسا کہ آپ چاہتے ہیں شخص پاک و صاف

ایسا تو شہر بھر میں کوئی متقی نہیں

تنہا جیے تو خاک جیے لطف کیا لیا

اے خضر یہ تو زندگی میں زندگی نہیں

ہم سب ہیں راہگیر تصادم کا کیا سبب

دنیا ہے شاہراہ کچھ ایسی گلی نہیں

دل میں نشاط آئے تو چہرہ ہو تابناک

جب تک جناب چاند نہیں چاندنی نہیں

پرویںؔ جلاؤ شمع عمل گور کے لئے

سورج کا نور چاند کے وہاں چاندنی نہیں

bazi pe dil laga hai koi dil lagi nahin

ye bhi hai koi bat kabhi han kabhi nahin

jis ne kuchh ehtiyat jawani mein ki nahin

aql-e-salim kahti hai wo admi nahin

dil mango to jawab hai un ka abhi nahin

goya abhi nahin ka hai matlab kabhi nahin

waiz ko laan taan ki fursat hai kis tarah

puri abhi khuda ki taraf lo lagi nahin

ashiq par un ka ek zara sa hai iltifat

aur wo bhi is tarah ke kabhi hai kabhi nahin

jaisa ke ap chahte hain shakhs pak-o-saf

aisa to shahr bhar mein koi muttaqi nahin

tanha jiye to khak jiye lutf kya liya

ai khizr ye to zindagi mein zindagi nahin

ham sab hain rahgir tasadum ka kya sabab

duniya hai shahrah kuchh aisi gali nahin

dil mein nishat ae to chehra ho tabnak

jab tak janab chand nahin chandni nahin

parwin jalao shama amal gor ke liye

suraj ka nur chand ke wahan chandni nahin