دیکھ کر کرتی گلے میں سبز دھانی آپ کی

دیکھ کر کرتی گلے میں سبز دھانی آپ کی

دھان کے بھی کھیت نے اب آن مانی آپ کی

کیا تعجب ہے اگر دیکھے تو مردہ جی اٹھے

چین نیفے کی ڈھلک پیڑو پہ آنی آپ کی

ہم تو کیا ہیں دل فرشتے کا بھی کافر چھین لے

ٹک جھلک دکھلا کے پھر انگیا چھپانی آپ کی

آ پڑے دو سو برس کے مردۂ بے جاں میں جان

جس کے اوپر دو گھڑی ہو مہربانی آپ کی

چھلے غیروں پاس تو وہ خاتم زر اے نگار

ہے ہمارے پاس بھی اب تک نشانی آپ کی

وقت تو جاتا رہا پر بات باقی رہ گئی

ہے یہ جھوٹی دوستی اب ہم نے جانی آپ کی

کیا عجب صورت رقیب رو سیہ کی دیکھ کر

خوف سے حالت ہوئی ہو پانی پانی آپ کی

ایک عالم کوہ کن کی طرح سر پھوڑے گا اب

گر اسی صورت رہی شیری زبانی آپ کی

کیا ہمیں لگتی ہے پیاری جب وہ کہتی ہے نظیرؔ

ہے میاں کچھ ان دنوں نا مہربانی آپ کی

dekh kar karti gale mein sabz dhani ap ki

dhan ke bhi khet ne ab an mani ap ki

kya taajjub hai agar dekhe to murda ji uthe

chain nefe ki dhalak pero pe ani ap ki

ham to kya hain dil farishte ka bhi kafir chhin le

tuk jhalak dikhla ke phir angiya chhupani ap ki

a pare do sau baras ke murda-e-be jan mein jan

jis ke upar do ghari ho mehrbani ap ki

chhile ghairon pas to wo khatam-e-zar ai nigar

hai hamare pas bhi ab tak nishani ap ki

waqt to jata raha par bat baqi rah gai

hai ye jhuti dosti ab ham ne jani ap ki

kya ajab surat raqib ro siyah ki dekh kar

khauf se halat hui ho pani pani ap ki

ek alam koh kin ki tarah sar phorega ab

gar isi surat rahi sheri zabani ap ki

kya hamen lagti hai pyari jab wo kahti hai nazir

hai miyan kuchh in dinon na mehrbani ap ki