دو رنگی خوب نئیں یک رنگ ہو جا

دو رنگی خوب نئیں یک رنگ ہو جا

سراپا موم ہو یا سنگ ہو جا

تجھے جیوں غنچہ گر ہے درد کی بو

لہو کا گھونٹ پی دل تنگ ہو جا

کہا کس طرح دل نے تجھ کوں اے غم

کہ دل کی آرسی پر زنگ ہو جا

یہی آہوں کے تاروں میں صدا ہے

کہ بار غم سیں خم جیوں چنگ ہو جا

دعا ہے اے رہ غم طول عمر کا

قدم پر ہے تو سو فرسنگ ہو جا

گلے میں ڈال رسوائی کی الفی

الف کھنچ آہ کا بے ننگ ہو جا

برہ کی آگ میں ثابت قدم چل

سراجؔ اب شمع کا ہم رنگ ہو جا

do rangi khub nain yak rang ho ja

sarapa mom ho ya sang ho ja

tujhe jyun ghuncha gar hai dard ki bu

lahu ka ghunt pi dil tang ho ja

kaha kis tarah dil ne tujh kun ai gham

ke dil ki arsi par zang ho ja

yahi ahon ke taron mein sada hai

ke bar-e-gham sin kham jyun chang ho ja

dua hai ai rah gham tul-e-umar ka

qadam par hai to so farsang ho ja

gale mein dal ruswai ki alfi

alif khinch ah ka be nang ho ja

bira ki ag mein sabit qadam chal

siraj ab shama ka ham rang ho ja