باطل ہے ہم سے دعویٰ شاعر کو ہم سری کا

باطل ہے ہم سے دعویٰ شاعر کو ہم سری کا

چہرہ ترا سا کب ہے سلطان خاوری کا

چیرہ ہزار باندھے سر پر جو وہ زری کا

منہ پر یہ گوشوارہ موتی کا جلوہ گر ہے

جیسے قران باہم ہو ماہ و مشتری کا

آئینہ خانے میں وہ جس وقت آن بیٹھے

پھر جس طرف کو دیکھو جلوہ ہے واں پری کا

جز شوق دل نہ پہنچوں ہرگز بہ کوئے جاناں

اے خضر کب ہوں تیری محتاج رہبری کا

جو دیکھتا ہے تجھ کو ہنستا ہے قہقہے مار

اے شیخ تیرا چہرہ مبدا ہے مسخری کا

طالب ہیں سیم و زر کے خوبان ہند سوداؔ

احوال کون سمجھے عاشق کی بے زری کا

batil hai ham se daawa shayar ko ham siri ka

chehra tira sa kab hai sultan khawari ka

chira hazar bandhe sar par jo wo zari ka

munh par ye goshwara moti ka jalwa gar hai

jaise qarin baham ho mah-o-mushtari ka

aina khane mein wo jis waqt an baithe

phir jis taraf ko dekho jalwa hai wan pari ka

juz shauq-e-dil na pahunchun hargiz ba ku-e-janan

ai khizr kab hun teri mohtaj rahbari ka

jo dekhta hai tujh ko hansta hai qahqahe mar

ai shaikh tera chehra mubda hai maskhari ka

talib hain sim-o-zar ke khuban-e-hind sauda

ahwal kaun samjhe ashiq ki be zari ka