دل ہماری طرف سے صاف کرو

دل ہماری طرف سے صاف کرو

جو ہوا سو ہوا معاف کرو

مجھ سے کہتی ہے اس کی شان کرم

تم گناہوں کا اعتراف کرو

حسن ان کو یہ رائے دیتا ہے

کام امید کے خلاف کرو

حضرت دل یہی ہے دیر و حرم

خانۂ یار کا طواف کرو

طور سینا کی سمت جائیں کلیم

نوحؔ تم سیر کوہ قاف کرو

dil hamari taraf se saf karo

jo hua so hua muaf karo

mujh se kahti hai us ki shan-e-karam

tum gunahon ka etiraf karo

husn un ko ye rae deta hai

kam ummid ke khilaf karo

hazrat-e-dil yahi hai dair-o-haram

khana-e-yar ka tawaf karo

tur-e-sina ki samt jaen kalim

nuh tum sair-e-koh-e-qaf karo