دل ہی میں نالۂ شبگیر الٹ جاتا ہے — محمد زکریا خان

Arooz is now on the App Store, for iPhone and iPad. Download →

محمد زکریا خان

دل ہی میں نالۂ شبگیر الٹ جاتا ہے

نا موافق ہے ہوا تیر الٹ جاتا ہے

نالے اس کی نگہ قہر سے رک جاتے ہیں

تیر سے مرغ ہوا گیر الٹ جاتا ہے

جلوہ گہ میں تری کیا ٹھہروں کہ سایہ ناچار

جب ہوا روکش تنویر الٹ جاتا ہے

ٹھہرا اظہار وفا شکوۂ وصل اغیار

رشک سے حاصل تقریر الٹ جاتا ہے

منہ خرابات میں رندوں سے چھپائے کیا شیخ

نشے میں دامن تزویر الٹ جاتا ہے

ذوق تحسین ذکیؔ کس قدر اللہ اللہ

دم بسمل دم تکبیر الٹ جاتا ہے