دل ہو گیا پھپھولا پیارے تمام جل کے — میر سجاد

Arooz is now on the App Store, for iPhone and iPad. Download →

میر سجاد

دل ہو گیا پھپھولا پیارے تمام جل کے

کیا تجھ نہال سے ہوں امیدوار پھل کے

تنہا نہ دل مرے نے زلفوں سے تاب کھایا

گلشن کے بیج سنبل کھاتا ہے تاب بل کے

ایسے ترے جھمکتے دانتوں کو دیکھ پیارے

پانی ہو جائے موتی مارے نہ کیوں کہ جھلکے

کیا جانتا تھا مجھ کو رسوا کریں گے سب میں

یہ طفل اشک میرے آنکھوں کے بیچ پل کے