دل ہم نے جو چشم بت بے باک سے باندھا

دل ہم نے جو چشم بت بے باک سے باندھا

پھر نشۂ صہبا سے نہ تریاک سے باندھا

اس زلف سے جب ربط ہوا جی کو تو ہم نے

شانے کا تصور دل صد چاک سے باندھا

دیکھا نہ قد سرو کو پھر ہم نے چمن میں

جس دن سے دل اس قامت چالاک سے باندھا

جو آہوئے دل بھا گیا اس صد فگن کو

جھپ اس نے اسے کاکل پیچاک سے باندھا

اور جو نہ پسند آیا اسے وہ تو نظیرؔ آہ

نے صید کیا اس کو نہ فتراک سے باندھا

dil ham ne jo chashm-e-but be bak se bandha

phir nasha-e-sahba se na tiryak se bandha

is zulf se jab rabt hua ji ko to ham ne

shane ka tasawwur dil-e-sad chak se bandha

dekha na qad-e-sarw ko phir ham ne chaman mein

jis din se dil is qamat chalak se bandha

jo ahu-e-dil bha gaya is sad fagan ko

jhap us ne use kakul-e-pechak se bandha

aur jo na pasand aya use wo to nazir ah

ne said kiya us ko na fitrak se bandha