دل کے آئینے میں نت جلوہ کناں رہتا ہے

دل کے آئینے میں نت جلوہ کناں رہتا ہے

ہم نے دیکھا ہے تو اے شوخ جہاں رہتا ہے

کوئی دن گھر سے نہ نکلے ہے اگر وہ خورشید

منتظر شام تلک ایک جہاں رہتا ہے

جھاڑ دامن کے تئیں مار کے ٹھوکر نکلے

کہیں روکے سے بھی وہ سرو رواں رہتا ہے

گاہے ماہے اے مہ عید ادھر بھی تو گزر

روز و شب بزم میں تیرا ہی بیاں رہتا ہے

باوجودیکہ مجھے ربط دلی ہے اس سے

یہ نہ پوچھا کبھو ایمانؔ کہاں رہتا ہے

dil ke aine mein nit jalwa kunan rahta hai

ham ne dekha hai to ai shokh jahan rahta hai

koi din ghar se na nikle hai agar wo khurshid

muntazir sham talak ek jahan rahta hai

jhar daman ke tain mar ke thokar nikle

kahin roke se bhi wo sarw rawan rahta hai

gahe mahe ai mah-e-eid idhar bhi to guzar

roz-o-shab bazm mein tera hi bayan rahta hai

bawujudeka mujhe rabt dili hai us se

ye na puchha kabhu iman kahan rahta hai