دل گیا دل کا نشاں باقی رہا

دل گیا دل کا نشاں باقی رہا

دل کی جا درد نہاں باقی رہا

کون زیر آسماں باقی رہا

نیک ناموں کا نشاں باقی رہا

ہو لیے دنیا کے پورے کاروبار

اور اک خواب گراں باقی رہا

رفتہ رفتہ چل بسے دل کے مکیں

اب فقط خالی مکاں باقی رہا

چل دیے سب چھوڑ کر اہل جہاں

اور رہنے کو جہاں باقی رہا

کارواں منزل پہ پہنچا عمر کا

اب غبار کارواں باقی رہا

مل گئے مٹی میں کیا کیا مہ جبیں

سب کو کھا کر آسماں باقی رہا

مٹ گئے بن بن کے کیا قصر و محل

نام کو اک لا مکاں باقی رہا

آرزو ہی آرزو میں مٹ گئے

اور شوق آستاں باقی رہا

عیش و عشرت چل بسے دل سے ظہیرؔ

درد و غم بہر نشاں باقی رہا

dil gaya dil ka nishan baqi raha

dil ki ja dard-e-nihan baqi raha

kaun zer-e-asman baqi raha

nek namon ka nishan baqi raha

ho liye duniya ke pure karobar

aur ik khwab-e-giran baqi raha

rafta rafta chal base dil ke makin

ab faqat khali makan baqi raha

chal diye sab chhor kar ahl-e-jahan

aur rahne ko jahan baqi raha

karwan manzil pe pahuncha umr ka

ab ghubar-e-karwan baqi raha

mil gae mitti mein kya kya mah jabin

sab ko kha kar asman baqi raha

mit gae ban ban ke kya qasr-o-mahal

nam ko ik la makan baqi raha

arzu hi arzu mein mit gae

aur shauq-e-astan baqi raha

aish-o-ishrat chal base dil se zahir

dard-o-gham bahr-e-nishan baqi raha