دل کو اس شوخ کے کوچہ میں دھرے آتے ہیں

دل کو اس شوخ کے کوچہ میں دھرے آتے ہیں

شیشہ خالی کیے اور اشک بھرے آتے ہیں

سرکشی دل نے سیہ چشم سے کیا کی ہے کہ جو

فوج غمزہ کی بندھے اس پہ پرے آتے ہیں

دل جو تو چاہے تو جا بزم میں اس کی ہم تو

دیکھ اس صورت مجلس کو ڈرے آتے ہیں

کشتۂ زہر غم ہجر نہیں تو تو حسنؔ

لخت دل کیوں ترے اشکوں میں ہرے آتے ہیں

dil ko us shokh ke kucha mein dhare ate hain

shisha khali kiye aur ashk bhare ate hain

sarkashi dil ne siyah chashm se kya ki hai ke jo

fauj ghamza ki bandhe us pe pare ate hain

dil jo tu chahe to ja bazm mein us ki ham to

dekh is surat-e-majlis ko dare ate hain

kushta-e-zahr-e-gham-e-hijr nahin to to husn

lakht-e-dil kyun tire ashkon mein hare ate hain