دل کو دارالسرور کہتے ہیں

دل کو دارالسرور کہتے ہیں

جلوہ گاہ حضور کہتے ہیں

نہ کہیں باوفا مجھے منہ سے

ہاں وہ دل میں ضرور کہتے ہیں

وہ مجھے اور کچھ کہیں نہ کہیں

شیفتہ تو ضرور کہتے ہیں

اک خدائی کہا کرے قہار

ہم تو اس کو غفور کہتے ہیں

پی کے دیکھی بھی حضرت واعظ

آپ جس کو طہور کہتے ہیں

dil ko daralsaror kahte hain

jalwa gah-e-huzur kahte hain

na kahin bawafa mujhe munh se

han wo dil mein zarur kahte hain

wo mujhe aur kuchh kahin na kahin

shefta to zarur kahte hain

ik khudai kaha kare qahhar

ham to us ko ghafur kahte hain

pi ke dekhi bhi hazrat-e-waiz

ap jis ko tahur kahte hain