دل کو ہلاک جلوۂ جاناں بنائیے

دل کو ہلاک جلوۂ جاناں بنائیے

اس بت کدے کو کعبۂ ایماں بنائیے

طوفان بن کے اٹھیے جہان خراب میں

ہستی کو اک شرارۂ رقصاں بنائیے

دوڑائیے وہ روح کہ ہر ذرہ جاگ اٹھے

اجڑے ہوئے وطن کو گلستاں بنائیے

پھر دیجئے نگاہ کو پیغام جستجو

منزل سے کیوں نظر کو گریزاں بنائیے

آخر تو ختم ہوں گی کہیں قید کی حدیں

یوسف کو آپ رونق زنداں بنائیے

پھر اپنے دل میں کیجئے پیدا کوئی تڑپ

پھر مشکل حیات کو آساں بنائیے

جوہرؔ اسیریوں کی کوئی انتہا بھی ہے

آزاد اک نظام پریشاں بنائیے

dil ko halak-e-jalwa-e-janan banaiye

us but kade ko kaaba-e-iman banaiye

tufan ban ke uthiye jahan-e-kharab mein

hasti ko ik sharara-e-raqsan banaiye

doraye wo ruh ke har zarra jag uthe

ujre hue watan ko gulistan banaiye

phir dijiye nigah ko paigham-e-justuju

manzil se kyun nazar ko gurezan banaiye

akhir to khatm hongi kahin qaid ki haden

yusuf ko ap raunaq-e-zindan banaiye

phir apne dil mein kijiye paida koi tarap

phir mushkil hayat ko asan banaiye

jauhar asiriyon ki koi intiha bhi hai

azad ik nizam-e-pareshan banaiye