دل کو خیال یار نے مخمور کر دیا

دل کو خیال یار نے مخمور کر دیا

ساغر کو رنگ بادہ نے پر نور کر دیا

مانوس ہو چلا تھا تسلی سے حال دل

پھر تو نے یاد آ کے بدستور کر دیا

گستاخ دستیوں کا نہ تھا مجھ میں حوصلہ

لیکن ہجوم شوق نے مجبور کر دیا

کچھ ایسی ہو گئی ہے تیرے غم میں مبتلا

گویا کسی نے جان کو مسحور کر دیا

بیتابیوں سے چھپ نہ سکا ماجرائے دل

آخر حضور یار بھی مذکور کر دیا

اہل نظر کو بھی نظر آیا نہ روئے یار

یاں تک حجاب نور نے مستور کر دیا

حسرتؔ بہت ہے مرتبۂ عاشقی بلند

تجھ کو تو مفت لوگوں نے مشہور کر دیا

dil ko khayal-e-yar ne makhmur kar diya

saghar ko rang-e-bada ne pur nur kar diya

manus ho chala tha tasalli se hal-e-dil

phir tu ne yad a ke badastur kar diya

gustakh dastiyon ka na tha mujh mein hausla

lekin hujum-e-shauq ne majbur kar diya

kuchh aisi ho gai hai tere gham mein mubtala

goya kisi ne jan ko mashur kar diya

betabiyon se chhup na saka majra-e-dil

akhir huzur-e-yar bhi mazkur kar diya

ahl-e-nazar ko bhi nazar aya na ru-e-yar

yan tak hijab-e-nur ne mastur kar diya

hasrat bahut hai martaba-e-ashiqi buland

tujh ko to muft logon ne mashhur kar diya