دل نہ لو دل کا یہ لینا ہے نہ اخفا ہوگا

دل نہ لو دل کا یہ لینا ہے نہ اخفا ہوگا

اس کو دل کہتے ہیں بس لیتے ہی چرچا ہوگا

تم کو ہر آن ادھر ہووے گی حسن آرائی

ہم کو ہر لحظہ ادھر ذوق تماشا ہوگا

ہم بھی سو چاہ سے دیکھیں گے تمہاری جانب

تم سے بھی ضبط تبسم نہ پھر اصلا ہوگا

جوں ہی ہم دیکھیں گے تم اور تبسم ہو گے

چاہ کا غنچۂ سربستہ وہیں وا ہوگا

گفتگو ہووے گی باہم جو اشارات کے ساتھ

متن اس کا بھی حریفوں میں محشا ہوگا

پاؤں تک ہاتھ جو لاویں گے کسی عذر سے ہم

تاڑنے والوں میں شور اس کا بھی برپا ہوگا

جب یہ تقریر سنی اس شہ خوباں نے نظیرؔ

ہم سے دل لے لیا اور ہنس کے کہا کیا ہوگا

dil na lo dil ka ye lena hai na ikhfa hoga

us ko dil kahte hain bas lete hi charcha hoga

tum ko har an idhar howe gi husn arai

ham ko har lahza idhar zauq-e-tamasha hoga

ham bhi so chah se dekhenge tumhari janib

tum se bhi zabt tabassum na phir aslan hoga

jun hi ham dekhenge tum aur tabassum hoge

chah ka ghuncha-e-sarbasta wahin wa hoga

guftugu howe gi baham jo isharat ke sath

matn us ka bhi harifon mein mahsha hoga

paon tak hath jo lawenge kisi uzr se ham

tarne walon mein shor us ka bhi barpa hoga

jab ye taqrir suni is shah-e-khuban ne nazir

ham se dil le liya aur hans ke kaha kya hoga