دل میں جب آ کے عشق نے تیرے محل کیا

دل میں جب آ کے عشق نے تیرے محل کیا

سب دست و پائے عقل کوں یک پل میں شل کیا

اس زلف پر شکن سیں صنم کھول کر گرہ

عاشق کے دل کے عقدۂ مشکل کوں حل کیا

سیر چمن کوں جب کہ ہوا لالہ رو سوار

راز و نیاز بلبل و گل میں خلل کیا

اقلیم دل سیں عقل نے لی تب رہ گریز

جب صوبہ دار عشق نے آ کر عمل کیا

مجلس میں عاشقوں کی جب آیا وو شمع رو

محجوب ہو کے شمع نے صورت بدل کیا

اے شوخ سحر کار ہر یک بو الفضول کوں

تیر نگہ نے بسمل تیغ اجل کیا

دیکھا ہے جب سیں مصرعہ موزون و قد یار

اس دن سیتی سراجؔ نے فکر غزل کیا

dil mein jab a ke ishq ne tere mahal kiya

sab dast-o-pae aql kun yak pal mein shil kiya

is zulf par shikan sin sanam khol kar girah

ashiq ke dil ke uqda-e-mushkil kun hal kiya

sair-e-chaman kun jab ke hua lala ru sawar

raz-o-niyaz-e-bulbul-o-gul mein khalal kiya

iqlim dil sin aql ne li tab rah-e-gurez

jab suba dar-e-ishq ne a kar amal kiya

majlis mein ashiqon ki jab aya wo shama ro

mahjub ho ke shama ne surat badal kiya

ai shokh-e-sahar kar har yak bu alfuzul kun

tir-e-nigah ne bismil tegh-e-ajal kya

dekha hai jab sin misra muzon-o-qad-e-yar

us din saiti siraj ne fikr-e-ghazal kya