دل سوختہ کو اپنے جلایا غضب کیا

دل سوختہ کو اپنے جلایا غضب کیا

نیرنگ تم نے کیا یہ دکھایا غضب کیا

زندہ کیا ہے حسرت مردہ کو بے وفا

تو بعد مرگ گور پہ آیا غضب کیا

یہ درد درد مند تماشا دکھائے گا

آفت رسیدہ کو جو ستایا غضب کیا

ہم خانماں خراب بھٹکتے کہاں پھریں

بیٹھے بٹھائے اس نے اٹھایا غضب کیا

سب کہہ رہے تھے بلبل کشمیر کے حریف

اس گل نے اپنا یار بنایا غضب کیا

مجذوب و مست پیر مغاں کیوں نہ وہ رہے

ساقیؔ کو جام جذب پلایا غضب کیا

dil sokhta ko apne jalaya ghazab kiya

nairang tum ne kya ye dikhaya ghazab kiya

zinda kya hai hasrat-e-murda ko be wafa

tu baad-e-marg gor pe aya ghazab kiya

ye dard dard mand-e-tamasha dikhaega

afat rasida ko jo sataya ghazab kiya

ham khanuman kharab bhatakte kahan phiren

baithe bithae us ne uthaya ghazab kiya

sab kah rahe the bulbul-e-kashmir ke harif

us gul ne apna yar banaya ghazab kiya

majzub-o-mast-e-pir-e-mughan kyun na wo rahe

saqi ko jam jazb pilaya ghazab kiya