دل دیوانہ و انداز بیباکانہ رکھتے ہیں

دل دیوانہ و انداز بیباکانہ رکھتے ہیں

گدائے مے کدہ ہیں وضع آزادانہ رکھتے ہیں

مجھے مے خانہ تھراتا ہوا محسوس ہوتا ہے

وہ میرے سامنے شرما کے جب پیمانہ رکھتے ہیں

گھٹائیں بھی تو بہکی جا رہی ہیں ان اداؤں پر

چمن میں جو قدم رکھتے ہیں وہ مستانہ رکھتے ہیں

بظاہر ہم ہیں بلبل کی طرح مشہور ہرجائی

مگر دل میں گداز فطرت پروانہ رکھتے ہیں

جوانی بھی تو اک موج شراب تند و رنگیں ہے

برا کیا ہے اگر ہم مشرب رندانہ رکھتے ہیں

کسی مغرور کے آگے ہمارا سر نہیں جھکتا

فقیری میں بھی اخترؔ غیرت شاہانہ رکھتے ہیں

dil-e-diwana-o-andaz-e-bebakana rakhte hain

gadae mai kada hain waz-e-azadana rakhte hain

mujhe mai khana tharrata hua mahsus hota hai

wo mere samne sharma ke jab paimana rakhte hain

ghataen bhi to bahki ja rahi hain un adaon par

chaman mein jo qadam rakhte hain wo mastana rakhte hain

bazahir ham hain bulbul ki tarah mashhur harjai

magar dil mein gudaz-e-fitrat-e-parwana rakhte hain

jawani bhi to ik mauj-e-sharab-e-tund-o-rangin hai

bura kya hai agar ham mashrab-e-rindana rakhte hain

kisi maghrur ke age hamara sar nahin jhukta

faqiri mein bhi akhtar ghairat-e-shahana rakhte hain