دل ستم زدہ بیتابیوں نے لوٹ لیا

دل ستم زدہ بیتابیوں نے لوٹ لیا

ہمارے قبلہ کو وہابیوں نے لوٹ لیا

کہانی ایک سنائی جو ہیر رانجھا کی

تو اہل درد کو پنجابیوں نے لوٹ لیا

یہ موج لالہ خود رو نسیم سے بولے

کہ کوہ و دشت کو سیرابیوں نے لوٹ لیا

صبا قبیلۂ لیلیٰ میں اڑ گئی یہ خبر

کہ ناقہ نجد کے اعرابیوں نے لوٹ لیا

کسی طرح سے نہیں نیند آتی انشاؔ کو

اسی خیال میں بے خوابیوں نے لوٹ لیا

dil-e-sitam zada betabiyon ne laut liya

hamare qibla ko wahhabiyon ne laut liya

kahani ek sunai jo hir ranjha ki

tu ahl-e-dard ko panjabiyon ne laut liya

ye mauj-e-lala khud ro nasim se bole

ke koh-o-dasht ko sairabiyon ne laut liya

saba qabila-e-laila mein ur gai ye khabar

ke naqa najd ke aarabiyon ne laut liya

kisi tarah se nahin nind ati insha ko

isi khayal mein be khwabiyon ne laut liya