اے مہرباں ہے گر یہی صورت نباہ کی

اے مہرباں ہے گر یہی صورت نباہ کی

باز آئے دل لگانے سے توبہ گناہ کی

الٹے گلے وہ کرتے ہیں کیوں تم نے چاہ کی

کیا خوب داد دی ہے دل داد خواہ کی

قاتل کی شکل دیکھ کے ہنگام باز پرس

نیت بدل گئی مرے اک اک گواہ کی

میری تمہاری شکل ہی کہہ دے گی روز حشر

کچھ کام گفتگو کا نہ حاجت گواہ کی

اے شیخ اپنے اپنے عقیدے کا فرق ہے

حرمت جو دیر کی ہے وہی خانقاہ کی

ai mehrban hai gar yahi surat nibah ki

baz ae dil lagane se tauba gunah ki

ulte gale wo karte hain kyun tum ne chah ki

kya khub dad di hai dil-e-dad khwah ki

qatil ki shakl dekh ke hangam-e-baz pars

niyyat badal gai mire ik ik gawah ki

meri tumhari shakl hi kah degi roz-e-hashr

kuchh kam guftugu ka na hajat gawah ki

ai shaikh apne apne aqide ka farq hai

hurmat jo der ki hai wahi khanqah ki