دل جو صورت گر معنی کا صنم خانہ بنے

دل جو صورت گر معنی کا صنم خانہ بنے

آنکھ جس شے پہ پڑے جلوۂ جانانہ بنے

اتنے ہی ہو گئے ہم منزل عرفاں کے قریب

جس قدر رسم و رہ دہر سے بیگانہ بنے

تا در یار پہنچتا ہے وہ خود رفتۂ شوق

اپنی ہستی سے جو اس راہ میں بیگانہ بنے

ظرف مے ٹوٹ کے بھی ہونے نہ پائے بے کار

ہو شکستہ کوئی شیشہ تو وہ پیمانہ بنے

سعی ناکام سے میں ہاتھ اٹھاؤں گا نہ برقؔ

میری بگڑی ہوئی تقدیر بنے یا نہ بنے

dil jo surat gar-e-maani ka sanam khana bane

ankh jis shai pe pare jalwa-e-janana bane

itne hi ho gae ham manzil-e-irfan ke qarib

jis qadar rasm-o-rah-e-dahr se begana bane

ta dar-e-yar pahunchta hai wo khud rafta-e-shauq

apni hasti se jo is rah mein begana bane

zarf-e-mai tut ke bhi hone na pae be kar

ho shikasta koi shisha to wo paimana bane

sai-e-nakam se main hath uthaunga na barq

meri bigri hui taqdir bane ya na bane