دل جلوں سے دل لگی اچھی نہیں

دل جلوں سے دل لگی اچھی نہیں

رونے والوں سے ہنسی اچھی نہیں

منہ بناتا ہے برا کیوں وقت وعظ

آج واعظ تو نے پی اچھی نہیں

زلف یار اتنا نہ رکھ دل سے لگاؤ

دوستی نادان کی اچھی نہیں

بت کدے سے مے کدہ اچھا مرا

بے خودی اچھی خودی اچھی نہیں

مفلسوں کی زندگی کا ذکر کیا

مفلسی کی موت بھی اچھی نہیں

اس قدر کھینچتی ہے کیوں اے زلف یار

لے کے دل اتنی کجی اچھی نہیں

آئیں میری بزم ماتم میں وہ کیا

ہاتھ میں منہدی رچی اچھی نہیں

شیخ کو دے دو مے بے رنگ و بو

اس کی قسمت سے کھینچی اچھی نہیں

اک حسیں ہو دل کے بہلانے کو روز

روز کی یہ دل لگی اچھی نہیں

ذرہ ذرہ آفتاب حشر ہے

حشر اچھا وہ گلی اچھی نہیں

اہل محشر سے نہ الجھو تم ریاضؔ

حشر میں دیوانگی اچھی نہیں

dil jalon se dil lagi achchhi nahin

rone walon se hansi achchhi nahin

munh banata hai bura kyun waqt-e-waaz

aj waiz tu ne pi achchhi nahin

zulf-e-yar itna na rakh dil se lagao

dosti nadan ki achchhi nahin

but kade se mai kada achchha mira

be khudi achchhi khudi achchhi nahin

muflison ki zindagi ka zikr kya

muflisi ki maut bhi achchhi nahin

is qadar khinchti hai kyun ai zulf-e-yar

le ke dil itni kaji achchhi nahin

aen meri bazm-e-matam mein wo kya

hath mein minhadi rachi achchhi nahin

shaikh ko de do mai be rang-o-bu

us ki qismat se khinchi achchhi nahin

ik hasin ho dil ke bahlane ko roz

roz ki ye dil lagi achchhi nahin

zarra zarra aftab-e-hashr hai

hashr achchha wo gali achchhi nahin

ahl-e-mahshar se na uljho tum riyaz

hashr mein diwangi-e-achchhi nahin