خط زمیں پر نہ اے فسوں گر کاٹ

خط زمیں پر نہ اے فسوں گر کاٹ

درد سر کاٹنا ہے تو سر کاٹ

گر لکھوں اس کو نامۂ الفت

حرف مطلب کو دے مقدر کاٹ

قتل سے میرے گر پھرے قاتل

دانت سے لوں زبان خنجر کاٹ

گر ہے بیداد ہی پسند تجھے

گردن غیر اے ستم گر کاٹ

غم برق و تگرگ کو نہ خرید

کشت امید کو سراسر کاٹ

وقت دے زیر خار زار گزار

موسم گل تہ گل تر کاٹ

پائے مردی سے دست برد نہ چھوڑ

حبیب شاہ و گدا برابر کاٹ

قوت ہضم ہے بقدر ظرف

کیا کرے موج آب گوہر کاٹ

صبر و تسلیم ہی کے اندر رہ

عمر رنج و خوشی سے باہر کاٹ

تیغ بران وقت سے ہر دم

رشتۂ آرزو کو یک سر کاٹ

مت بنا گھر چمن کے اندر کاٹ

مت لگا دل گل و صنوبر کاٹ

آشیاں کے لئے چمن کا سے

مرغ حرص و ہوا کا ہر پر کاٹ

قدر آرام کچھ تو کر معلوم

روز دشوار رات دوبھر کاٹ

شرط کچھ تیغ باندھنا ہی نہیں

زیست کو آئے جو میسر کاٹ

اے قلقؔ رنج ہو کہ ہو آرام

کاٹ جیسے کٹے سبک تر کاٹ

khat zamin par na ai fusun gar kat

dard-e-sar katna hai to sar kat

gar likhun us ko nama-e-ulfat

harf-e-matlab ko de muqaddar kat

qatl se mere gar phire qatil

dant se lun zaban-e-khanjar kat

gar hai bedad hi pasand tujhe

gardan-e-ghair ai sitam gar kat

gham-e-barq-o-tagrg ko na kharid

kisht-e-ummid ko sarasar kat

waqt de zer-e-khar zar guzar

mausam-e-gul tah-e-gul-e-tar kat

pae mardi se dast-e-bard na chhor

habib shah-o-gada barabar kat

quwwat-e-hazm hai baqadr-e-zarf

kya kare mauj-e-ab-e-gauhar kat

sabr-o-taslim hi ke andar rah

umr ranj-o-khushi se bahar kat

tegh baran waqt se har dam

rishta-e-arzu ko yak sar kat

mat bana ghar chaman ke andar kat

mat laga dil gul-o-sanobar kat

ashiyan ke liye chaman ka se

murgh-e-hirs-o-hawa ka har par kat

qadr aram kuchh to kar maalum

roz dushwar rat dubhar kat

shart kuchh tegh bandhna hi nahin

zist ko ae jo muyassar kat

ai qalaq ranj ho ke ho aram

kat jaise kate subuk tar kat