خرقہ رہن شراب کرتا ہوں

خرقہ رہن شراب کرتا ہوں

دل زاہد کباب کرتا ہوں

نالۂ آتشیں سے یک دم میں

دل فولاد آب کرتا ہوں

آہ سوزاں و اشک گل گوں سے

کار برق و سحاب کرتا ہوں

داغ سوزان عشق سے دل کو

چشمۂ آفتاب کرتا ہوں

برق کو بھی سکوں ہوا آخر

میں ہنوز اضطراب کرتا ہوں

تاکہ بیدارؔ اس سے ہو آباد

خانۂ دل خراب کرتا ہوں

khirqa rahan-e-sharab karta hun

dil-e-zahid kabab karta hun

nala-e-atishin se yak dam mein

dil-e-faulad ab karta hun

ah-e-sozan-o-ashk-e-gul gun se

kar barq-o-sahab karta hun

dagh sozan ishq se dil ko

chashma-e-aftab karta hun

barq ko bhi sakun hua akhir

main hanoz iztirab karta hun

take bedar us se ho abad

khana-e-dil kharab karta hun