اے پیر حرم

اے پِیرِ حرم! رسم و رہِ خانقہی چھوڑ

مقصود سمجھ میری نوائے سَحری کا

اللہ رکھے تیرے جوانوں کو سلامت!

دے ان کو سبق خود شکَنی، خود بِگَری کا

تُو ان کو سِکھا خارا شگافی کے طریقے

مغرب نے سِکھایا انھیں فن شیشہ گری کا

دِل توڑ گئی ان کا دو صدیوں کی غلامی

دارُو کوئی سوچ ان کی پریشاں نظَری کا

کہہ جاتا ہوں مَیں زورِ جُنوں میں ترے اَسرار

مجھ کو بھی صِلہ دے مری آشُفتہ سری کا!

ai pir-e-haram! rasm-o-rah-e-khanqahi chhor

maqsud samajh meri nawa-e-sahari ka

allah rakhe tere jawanon ko salamat!

de un ko sabaq khud shikani, khud bigari ka

tu un ko sikha khara shigafi ke tariqe

maghrib ne sikhaya unhen fan shisha giri ka

dil tor gai un ka do sadiyon ki ghulami

daru koi soch un ki pareshan nazari ka

kah jata hun main zor-e-junun mein tire asrar

mujh ko bhi sila de miri ashufta siri ka!