خط بڑھا کاکل بڑھے زلفیں بڑھیں گیسو بڑھے

خط بڑھا کاکل بڑھے زلفیں بڑھیں گیسو بڑھے

حسن کی سرکار میں جتنے بڑھے ہندو بڑھے

بعد رنجش کے گلے ملتے ہوئے رکتا ہے جی

اب مناسب ہے یہی کچھ میں بڑھوں کچھ تو بڑھے

بڑھتے بڑھتے بڑھ گئی وحشت وگرنہ پہلے تو

ہاتھ کے ناخن بڑھے سر کے ہمارے مو بڑھے

تجھ کو دشمن واں شرارت سے جو بھڑکاتے ہے روز

چاہتے ہیں اور شر اے شوخ آتش خو بڑھے

کچھ تپ غم کو گھٹا کیا فائدہ اس سے طبیب

روز نسخے میں اگر خرفہ گھٹے کاہو بڑھے

پیشوائی کو غم جاناں کی چشم دل سے ذوقؔ

جب بڑھے نالہ تو اس سے بیشتر آنسو بڑھے

khat barha kakul barhe zulfen barhen gesu barhe

husn ki sarkar mein jitne barhe hindu barhe

baad ranjish ke gale milte hue rukta hai ji

ab munasib hai yahi kuchh main barhun kuchh to barhe

barhte barhte barh gai wahshat wagarna pahle to

hath ke nakhun barhe sar ke hamare mu barhe

tujh ko dushman wan shararat se jo bhirkate hai roz

chahte hain aur shar ai shokh atish khu barhe

kuchh tap-e-gham ko ghata kya faida us se tabib

roz nuskhe mein agar khurfa ghate kahu barhe

peshwai ko gham janan ki chashm-e-dil se zauq

jab barhe nala to us se beshtar ansu barhe