دامن قرار دل کے سب تار تار دیکھے

دامن قرار دل کے سب تار تار دیکھے

جب تیری وادیوں کے کچھ آبشار دیکھے

جس نے تری خزاں کے ایسے نکھار دیکھے

گلزار خلد کی پھر وہ کیا بہار دیکھے

ہر صبح کی جھلک میں ہر شام کی شفق میں

سو سو طرح کے ہم نے نقش و نگار دیکھے

بادل کا گھر کے آنا کد کی پہاڑیوں پر

اے کاش وہ نظارہ پھر چشم زار دیکھے

اک پردہ پوش عالم کو بے نقاب دیکھا

جب سبز سبز تیرے یہ کوہسار دیکھے

گل ریز سرزمیں میں وہ دل فریبیاں ہیں

جو ایک بار دیکھے وہ بار بار دیکھے

بچ بچ کے جن سے اب تک طے کر رہے تھے راہیں

وہ تیر آج ہم نے سینے کے پار دیکھے

daman qarar dil ke sab tar tar dekhe

jab teri wadiyon ke kuchh abshar dekhe

jis ne tiri khizan ke aise nikhar dekhe

gulzar khuld ki phir wo kya bahar dekhe

har subh ki jhalak mein har sham ki shafaq mein

sau sau tarah ke ham ne naqsh-o-nigar dekhe

badal ka ghar ke ana kad ki pahariyon par

ai kash wo nazara phir chashm-e-zar dekhe

ik parda posh alam ko be naqab dekha

jab sabz sabz tere ye kohsar dekhe

gul rez sarzamin mein wo dil farebiyan hain

jo ek bar dekhe wo bar bar dekhe

bach bach ke jin se ab tak tai kar rahe the rahen

wo tir aj ham ne sine ke par dekhe