خیر لایا تو جنوں دیوار سے در کی طرف

خیر لایا تو جنوں دیوار سے در کی طرف

اب نظر جانے لگی باہر سے اندر کی طرف

کشتئ امید کے ہر بادباں اڑنے لگے

کس نے رخ موڑا ہواؤں کا سمندر کی طرف

یوں بھی ہوتا ہے مدارات جنوں کے شوق میں

پھول جیسے ہاتھ اٹھ جاتے ہیں پتھر کی طرف

ہم نے سمجھے تھے کہ یہ ہوگا مآل کار عشق

رخ کیا باد بہاری نے مرے گھر کی طرف

دی ہے نیرؔ مجھ کو ساقی نے یہ کیسی خاص مے

سب کی نظریں اٹھ رہی ہیں میرے ساغر کی طرف

khair laya to junun diwar se dar ki taraf

ab nazar jane lagi bahar se andar ki taraf

kashti-e-ummid ke har badban urne lage

kis ne rukh mora hawaon ka samundar ki taraf

yun bhi hota hai madarat-e-junun ke shauq mein

phul jaise hath uth jate hain patthar ki taraf

ham ne samjhe the ke ye hoga maal-e-kar-e-ishq

rukh kiya bad-e-bahari ne mire ghar ki taraf

di hai nayyar mujh ko saqi ne ye kaisi khas mai

sab ki nazren uth rahi hain mere saghar ki taraf