بات کر دل ستی حجاب نکال

بات کر دل ستی حجاب نکال

غنچۂ لب ستی گلاب نکال

شب ہجراں کی تیرگی کر دور

حسن تاباں کا آفتاب نکال

بیت ابرو کا درس دے مجھ کوں

فرد دیوان انتخاب نکال

بو الہوس بند عقدۂ غم ہے

زلف مشکیں سیں پیچ و تاب نکال

منحصر نہیں ہے گوشہ گیری پر

دل سیں یکسو ہو سب حساب نکال

تکیۂمخملی سرہانے رکھ

لیکن آنکھوں سیں اپنی خواب نکال

مستیٔ عشق گر تجھے ہے سراجؔ

شیشۂ چشم سیں شراب نکال

bat kar dil sati hijab nikal

ghuncha-e-lab sati gulab nikal

shab-e-hijran ki tirgi kar dur

husn taban ka aftab nikal

bit abru ka dars de mujh kun

fard-e-diwan intikhab nikal

bu alhawas band-e-uqda-e-gham hai

zulf-e-mushkin sin pech-o-tab nikal

munhasir nahin hai gosha giri par

dil sin yakso ho sab hisab-e-nikal

takehmakhmli sirhane rakh

lekin ankhon sin apni khwab nikal

masti-e-ishq gar tujhe hai siraj

shisha-e-chashm sin sharab nikal