خیالستان ہستی میں اگر غم ہے خوشی بھی ہے

خیالستان ہستی میں اگر غم ہے خوشی بھی ہے

کبھی آنکھوں میں آنسو ہیں کبھی لب پر ہنسی بھی ہے

انہی غم کی گھٹاؤں سے خوشی کا چاند نکلے گا

اندھیری رات کے پردے میں دن کی روشنی بھی ہے

یوں ہی تکمیل ہوگی حشر تک تصویر ہستی کی

ہر اک تکمیل آخر میں پیام نیستی بھی ہے

یہ وہ ساغر ہے صہبائے خودی سے پر نہیں ہوتا

ہمارے جام ہستی میں سرشک بے خودی بھی ہے

khayalsitan hasti mein agar gham hai khushi bhi hai

kabhi ankhon mein ansu hain kabhi lab par hansi bhi hai

unhi gham ki ghataon se khushi ka chand niklega

andheri rat ke parde mein din ki raushni bhi hai

yun hi takmil hogi hashr tak taswir hasti ki

har ik takmil-e-akhir mein payam-e-nisti bhi hai

ye wo saghar hai sahba-e-khudi se par nahin hota

hamare jam-e-hasti mein sarishk-e-be khudi bhi hai