خدا سے ظلم کا شکوہ ضرور میں نے کیا

خدا سے ظلم کا شکوہ ضرور میں نے کیا

بڑا قصور یہ اے رشک حور میں نے کیا

کسی سے دل کا لگانا گناہ ہے ناصح

جو یہ قصور ہے تو یہ قصور میں نے کیا

وہ ذکر وعدۂ وصل عدو پہ کہتے ہیں

ضرور میں نے کیا بالضرور میں نے کیا

ترا خیال مرے دل میں آ نہیں سکتا

کہ جس کو دور کیا اس کو دور میں نے کیا

جناب نوحؔ زمانے کا اعتبار نہیں

برا کیا جو کسی سے غرور میں نے کیا

khuda se zulm ka shikwa zarur main ne kiya

bara qusur ye ai rashk-e-hur main ne kiya

kisi se dil ka lagana gunah hai naseh

jo ye qusur hai to ye qusur main ne kiya

wo zikr-e-waada-e-wasl-e-adu pe kahte hain

zarur main ne kiya bilzzarur main ne kiya

tira khayal mire dil mein a nahin sakta

ke jis ko dur kiya us ko daur main ne kiya

janab nuh zamane ka etibar nahin

bura kiya jo kisi se ghurur main ne kiya