خدا کے فضل سے ہم حق پہ ہیں باطل سے کیا نسبت

خدا کے فضل سے ہم حق پہ ہیں باطل سے کیا نسبت

ہمیں تم سے تعلق ہے مہ کامل سے کیا نسبت

مہ کنعاں کو میرے اس مہ کامل سے کیا نسبت

زلیخا کے ملوث دل کو میرے دل سے کیا نسبت

ہمہ کا رم زخود کامی بہ بدنامی کشید آخر

کبھی میں نے نہ سوچا راز کو محفل سے کیا نسبت

کہے جاتا ہے جو واعظ سنے جاتے ہیں ہم لیکن

جو اہل دل نہیں اس کو ہمارے دل سے کیا نسبت

مجھے ہے صدمۂ ہجراں عدو کو سیکڑوں خوشیاں

مرے اجڑے ہوئے گھر کو بھری محفل سے کیا نسبت

خدا ہی پھر بھروسہ ہے خدا ہے ناخدا میرا

وگرنہ میں بھنور میں ہوں مجھے ساحل سے کیا نسبت

فراق یار میں میرا دل مضطر نہ ٹھہرے گا

تمہیں سوچو سکوں کو طائر بسمل سے کیا نسبت

کنیز حضرت مشکل کشا ہوں دل سے میں پرویںؔ

تعلق مجھ کو آسانی سے ہے مشکل سے کیا نسبت

khuda ke fazl se ham haq pe hain batil se kya nisbat

hamen tum se taalluq hai mah-e-kamil se kiya nisbat

mah-e-kanan ko mere us mah kamil se kiya nisbat

zulekha ke mulawwis dil ko mere dil se kya nisbat

hama ka ram zikhud kami ba badnami kashid akhir

kabhi main ne na socha raz ko mahfil se kya nisbat

kahe jata hai jo waiz sune jate hain ham lekin

jo ahl-e-dil nahin us ko hamare dil se kya nisbat

mujhe hai sadma-e-hijran adu ko saikron khushiyan

mire ujre hue ghar ko bhari mahfil se kya nisbat

khuda hi phir bharosa hai khuda hai nakhuda mera

wagarna mein bhanwar mein hun mujhe sahil se kya nisbat

firaq-e-yar mein mera dil-e-muztar na thahrega

tumhen socho sukun ko tair-e-bismil se kiya nisbat

kaniz-e-hazrat-e-mushkil kusha hun dil se main parwin

taalluq mujh ko asani se hai mushkil se kya nisbat