خاک کر ڈالیں ابھی چاہیں تو مے خانہ کو ہم

خاک کر ڈالیں ابھی چاہیں تو مے خانہ کو ہم

ایک ساغر کو بھرو تم ایک پیمانے کو ہم

مجھ سے ہم آغوش ہو کر یوں کہا اور سچ کہا

ہوشیار اس طرح کر دیتے ہیں دیوانے کو ہم

نزع میں آئے ہیں صد افسوس جیتے جی نہ آئے

وہ ہیں آنے کو تو اب تیار ہیں جانے کو ہم

بے نتیجہ ان پہ مرنا یاد آتا ہے ہمیں

شمع پر جب دیکھتے ہیں مرتے پروانے کو ہم

کوہ کن اور قیس کی قبروں سے آتی ہے صدا

کیا مکمل کر گئے الفت کے افسانے کو ہم

ایک پتا بھی نہیں ہلتا بجز حکم خدا

کس طرح آباد کر لیں اپنے ویرانے کو ہم

ایک دن یہ ہے کہ ہیں اک شمع رو پر خود نثار

ایک دن وہ تھا برا کہتے تھے پروانے کو ہم

ابرووں نے سچ کہا اس کے اشارہ کی ہے دیر

دیکھتے بالکل نہیں پھر اپنے بیگانے کو ہم

جان جائے یا رہے اس کو سنائیں گے ضرور

قیس کے پردہ میں پرویںؔ اپنے افسانے کو ہم

khak kar dalen abhi chahen to mai khana ko ham

ek saghar ko bharo tum ek paimane ko ham

mujh se ham aghosh ho kar yun kaha aur sach kaha

hoshyar is tarah kar dete hain diwane ko ham

nazaa mein ae hain sad afsos jite ji na ae

wo hain ane ko to ab tayyar hain jane ko ham

be natija un pe marna yad ata hai hamen

shama par jab dekhte hain marte parwane ko ham

koh kin aur qais ki qabron se ati hai sada

kya mukammal kar gae ulfat ke afsane ko ham

ek patta bhi nahin hilta bajuz hukm-e-khuda

kis tarah abad kar len apne wirane ko ham

ek din ye hai ke hain ik shama ro par khud nisar

ek din wo tha bura kahte the parwane ko ham

abrwun ne sach kaha us ke ishara ki hai der

dekhte bilkul nahin phir apne begane ko ham

jan jae ya rahe us ko sunaenge zarur

qais ke parda mein parwin apne afsane ko ham