جو کچھ ہے حسن میں ہر مہ لقا کو عیش و طرب

جو کچھ ہے حسن میں ہر مہ لقا کو عیش و طرب

وہی ہے عشق میں ہر مبتلا کو عیش و طرب

اگرچہ اہل نوا خوش ہیں ہر طرح لیکن

زیادہ ان سے ہے ہر بے نوا کو عیش و طرب

وہ میکدے میں حلاوت ہے رند میکش کو

جو خانقاہ میں ہے پارسا کو عیش و طرب

رکھے ہے ہر تن عریاں برہنہ پائی وہی

جو کچھ ہے صاحب اسپ و قبا کو عیش و طرب

کمال قدرت حق ہے نظیرؔ کیا کہئے

جو شاہ کو ہے وہی ہے گدا کو عیش و طرب

jo kuchh hai husn mein har mah liqa ko aish-o-tarab

wahi hai ishq mein har mubtala ko aish-o-tarab

agarche ahl-e-nawa khush hain har tarah lekin

ziyada un se hai har be nawa ko aish-o-tarab

wo maikade mein halawat hai rind maikash ko

jo khanqah mein hai parsa ko aish-o-tarab

rakhe hai har tan uryan barahna pai wahi

jo kuchh hai sahab asp-o-qaba ko aish-o-tarab

kamal-e-qudrat-e-haq hai nazir kya kahiye

jo shah ko hai wahi hai gada ko aish-o-tarab