جہل حیوان کی نشانی ہے

جہل حیوان کی نشانی ہے

عقل انسان کی نشانی ہے

نہ کرو شوخیاں خدا کے ساتھ

کفر طغیان کی نشانی ہے

عقل بھی کس نے دی ہے پہچانو

شکر ایمان کی نشانی ہے

سعی لازم ہے بت نہ بن جاؤ

نقل بے جان کی نشانی ہے

خندہ روئی کے ساتھ سب سے ملو

خلق انسان کی نشانی ہے

دیکھ لیتے ہی شوق سے ملنا

جان پہچان کی نشانی ہے

کفر و شرک و نفاق سے بچنا

یہ مسلمان کی نشانی ہے

متکبر سے مت ملو سیفیؔ

کبر شیطان کی نشانی ہے

jahl haiwan ki nishani hai

aql insan ki nishani hai

na karo shokhiyan khuda ke sath

kufr tughyan ki nishani hai

aql bhi kis ne di hai pahchano

shukr iman ki nishani hai

sai lazim hai but na ban jao

naql be jan ki nishani hai

khanda roi ke sath sab se milo

khalq insan ki nishani hai

dekh lete hi shauq se milna

jan pahchan ki nishani hai

kufr-o-shirk-o-nifaq se bachna

ye musalman ki nishani hai

mutakabbir se mat milo saifi

kibr shaitan ki nishani hai